Çrregullimi i spektrit të autizmit përkon me një paaftësi zhvillimore, të shkaktuar nga ndryshimet në tru dhe është më se e zakonshme. Autizmi mund të paraqitet në mënyra të ndryshme, por janë disa shenja që ndonjëherë mund të jenë të vështira për t’u identifikuar.

“Simptomat e autizmit nuk janë gjithmonë të dukshme, sepse shenjat mund të ndryshojnë nga individi në individ”, shprehet Steven Pastyrnak, psikolog dhe pediatër – transmeton KosovaPress.

Ndërsa Daniel Ganjian, pediatër në qendrën shëndetësore të Saint John në Santa Monica shprehet se: “Autizmi është një spektër, kështu, ka autizëm të butë, të moderuar dhe të rëndë. Kur kemi të bëjmë me një autizëm të rëndë, shenjat janë më të lehta për t’u dalluar, ndërsa rastet e lehta dhe të moderuara, më të vështira”.

Cilat janë disa simptoma të autizmit që shfaqen te foshnjat dhe fëmijët e vegjël:

Probleme me kontaktin me sy

Mospërgjigjja në emër

Probleme me ndjekjen dhe përqendrim te një objekt

Paaftësi ose mungesë dëshire në përfshirjen në lojëra

Probleme me komunikimin jo verbal

Nuk ka shprehje të mimikës dhe të emocioneve si: lumturi, trishtim, acarim dhe habi, sidomos deri në moshën 9 muajshe

Nuk shprehet përmes gjesteve, të paktën deri në moshën 12 muajshe

Nuk ka interesa të njëjta me bashkëmoshatarët

Nuk e kupton nëse të tjerët janë të mërzitur apo të lënduar

Nuk i vëren fëmijët e tjerë dhe a nuk u bashkohet nëpër lojëra

Nuk ka një model që do të ndjekë, si për shembull: prind, mësues, superhero

Nuk ka dëshirë të këndojë, kërcejë, apo aktrojë

Rreshton sipas dëshirës lodrat e veta dhe acarohet kur rendi ndryshohet

Përsërit herë pas here të njëjtën fjalë ose shprehje

Luan me lodrat në të njëjtën mënyrë, gjithmonë

Përqendrohet në pjesë të vogla të objekteve dhe e harron të gjithë pamjen që sheh përballë

Acarohet me ndryshime të vogla

Nuk ka interesa, por fiksime

Ndjek një rutinë të caktuar, të cilën nuk do ta ndryshojë

Rrotullon duart ose trupin në një formë sferike

Ka reagime të pazakonta kur përballet me një aromë, tingull, shije

Probleme në komunikim

Probleme në nxënie

Probleme në lëvizje

Sjellje hiperaktive

Episode epilepsie

Sjellje të pazakonta të ngrënies dhe gjumit

Ndryshime të pazakonta humori

Stres, ankth dhe shqetësim jashtë normales

Nuk ka ndjesi frike në atë nivel si bashkëmoshatarët