Zyra e Bashkimit Evropian në Kosovë ka reaguar pas përfundimit të raundit të dytë të zgjedhjeve lokale, duke e cilësuar procesin si të rregullt, gjithëpërfshirës dhe dëshmi të demokracisë në vend. Ushtruesja e Detyrës së Ambasadorit të BE-së në Kosovë, Eva Palatova, mirëpriti mbarëvajtjen e zgjedhjeve në 18 komuna dhe përgëzoi qytetarët për pjesëmarrjen dhe angazhimin demokratik.

“Ushtruesja e Detyrës së Ambasadorit të BE-së në Kosovë, Eva Palatova, mirëpriti sonte zhvillimin e rregullt dhe gjithëpërfshirës të raundit të dytë të zgjedhjeve për kryetarë komunash në 18 komuna të Kosovës, që shënoi përmbylljen e ciklit të zgjedhjeve lokale, duke e cilësuar atë si një dëshmi të demokracisë në Kosovë.”, u tha në njoftim.