Një zakon i thjeshtë që sjell përfitime të mëdha për shëndetin

Konsumimi i rregullt i një gote vere të kuqe gjatë vaktit mund të sjellë një sërë përfitimesh shëndetësore, përfshirë uljen e kolesterolit, zvogëlimin e tensionit të gjakut dhe reduktimin e rrezikut të diabetit, thonë ekspertët, mes tyre edhe i ndjeri dr. Michael Mosley. Para vdekjes së tij, Mosley drejtonte serialin në BBC Radio 4 “Just One Thing”, në të cilin eksploronte ndikimin e ndryshimeve të vogla të stilit të jetës në shëndet.

Gjatë programit, dr. Mosley theksoi se konsumimi i rregullt i verës së kuqe me vakt mund të ketë efekt pozitiv: “Në Izrael, në vitin 2015, shkencëtarët i ndanë 224 pacientë me diabet, të cilët nuk pinin alkool, në tre grupe – ata që pinin verë të kuqe, verë të bardhë ose ujë mineral gjatë darkës çdo mbrëmje për dy vjet. Konsumuesit e verës së kuqe treguan rezultatet më të mira, me përmirësime të dukshme në kolesterol dhe, ndoshta befasueshëm, edhe në cilësinë e gjumit”, shkruan Telegrafi.

Por këto nuk ishin përfitimet e vetme. Disa njerëz që konsumonin verë të kuqe vunë re edhe kontroll më të mirë të nivelit të sheqerit në gjak. Studiues të tjerë nga Spanja provuan se vera e kuqe mund të përmirësojë reagimin e trupit ndaj insulinës, gjë që ndihmon në largimin më të shpejtë të sheqerit nga gjaku./Telegrafi/PortalAlarm/.