Aktori që luajti në më shumë se 250 filma, përfshirë role të paharrueshme në ‘Suspiria’, ‘My Own Private Idaho’ dhe filmat e Lars Von Trier, ka ndërruar jetë në moshën 81 vjeç.

Aktori gjerman Udo Kier, i cili punoi me të gjithë, që nga Andy Warhol te Gus Van Sant, Werner Herzog, Dario Argento dhe Rainer Werner Fassbinder, ka ndërruar jetë në moshën 81-vjeçare.

Partneri i tij, artisti Delbert McBride, njoftoi se Kier kishte vdekur në spital në Palm Springs, Kaliforni, të dielën në mëngjes. Nuk u dha asnjë shkak i vdekjes.

I njohur për shikimin e tij depërtues dhe rolet e paharrueshme të të këqijve, Kier lë pas një korpus të gjerë veprash, duke luajtur në më shumë se 250 filma, duke i fituar reputacionin si një nga aktorët më të shquar të personazheve të kinemasë evropiane.Kier lindi në Këln të Gjermanisë në vitin 1944, në një spital i cili u bombardua nga forcat aleate pak çaste pas lindjes së tij. Ai dhe nëna e tij thuhet se u nxorën nga rrënojat.

Ai u zhvendos në Londër, Angli, në moshën 18 vjeç dhe u zbulua atje. Roli i tij i famshëm ishte në filmin horror të vitit 1970 ” Mark of the Devil” . Pasuan disa filma horror, përfshirë rolin e tij të paharrueshëm si Baron von Frankenstein në filmin ” Flesh for Frankenstein” të vitit 1973 dhe si Kont Drakula në filmin “Blood For Dracula ” të vitit pasardhës – të dy të drejtuar nga Paul Morrissey dhe të prodhuar nga Warhol.

Ai vazhdoi të bashkëpunonte ngushtë me mikun e tij Fassbinder, të cilin e kishte takuar në moshën 16 vjeç, dhe u shfaq në filmat e tij The Stationmaster’s Wife , Lola , The Third Generation dhe Lili Marleen , si dhe në miniserialin e tij të famshëm Berlin Alexanderplatz.

Ndër disa nga performancat e tij më të njohura ishin rolet në klasikët e viteve ’70 si Suspiria , Story of O dhe The Fifth Commandment . Partneriteti i tij me regjisorin Lars Von Trier çoi në një bashkëpunim që zgjati gjithë jetën, me role në Epidemic , Europa , The Kingdom , Breaking the Waves , Dancer in the Dark , Dogville , Melancholia dhe Nymphomaniac: Vol. II .

Ishte Gus Van Sant ai që i ofroi atij rolin e tij të parë amerikan në filmin e vitit 1991 My Own Private Idaho . Role të tjera të shquara në ekranin amerikan përfshijnë Johnny Mnemonic , Armageddon , End of Days , Blade dhe Downsizing .

Madonna ishte aq shumë fanse e rolit të tij si Hans në serialin My Own Private Idaho saqë e zgjodhi Kierin si bashkëshortin e saj në librin e saj të vitit 1992 “Sex”, i ndjekur nga role në videoklipet e saj muzikore për “Erotica” dhe “Deeper and Deeper”. Ai u shfaq gjithashtu në videoklipe për Goo Goo Dolls, Supertramp, Korn dhe Eve.

Filmi i fundit i Kier ishte trilleri politik neo-noir i Kleber Mendonça Filho, The Secret Agent , një nga filmat më të mirë të Festivalit të Kanës këtë vit, në të cilin ai luajti rolin e një të mbijetuari hebre të Holokaustit. Filmi i fitoi yllit Wagner Moura çmimin Palma për Aktorin më të Mirë.

Për karrierën e tij të frytshme, Kier dikur tha: “100 filma janë të këqij, 50 filma mund t’i shikosh me një gotë verë dhe 50 filma janë të mirë.”/Syri.net/Portali Alarm/