Kryetari i AKR-së, njeherësh ish-presidenti i Kosovës, Behgjet Pacolli, ka përkujtuar Presidentin historik Ibrahim Rugova në 81-vjetorin e lindjes së tij, përmes një postimi në Facebook.

Ai e ka cilësuar Rugovën si “njeri që me qetësinë e tij të hekurt ndërtoi themelet e shtetësisë sonë” dhe një frymëzim të përhershëm për ata që besojnë në vizion, urtësi dhe punë. Në vijim sjellim postimin e tij të plotë.

Postimi i plotë:

“Sot, më 2 dhjetor, Presidenti historik Ibrahim Rugova do të mbushte 81 vite jetë. Kjo foto e vjetër, dekada më parë, më kujton takimet tona të shumta – të qeta, të urta dhe gjithmonë të përkushtuara ndaj Kosovës. Presidenti Rugova ishte simbol i mençurisë, i durimit dhe i paqes; njeri që me qetësinë e tij të hekurt ndërtoi themelet e shtetësisë sonë. Lavdi jetës dhe veprës së tij”.

/PortaliAlarm/