Erërat e forta dhe shirat e dendur kanë goditur portin e Palma-s në ishullin Mallorca të Spanjës.
Si pasojë, atje janë rrëzuar pemë të shumta, duke shkaktuar përmbytje të shpejta, shkruajnë mediat e huaja, përcjell Telegrafi.
Ishujt Balearik, Katalonja dhe Valencia ishin në alarm portokalli dhe një rekord i ri i reshjeve u regjistrua në qytetin e Barcelonës.
Erërat e fuqishme dhe shiu i rrëmbyeshëm u panë gjithashtu në Italinë Veriore, fillimisht në Lombardi të shtunën, kur stuhitë e forta shkulën pemët dhe dëmtuan çatitë dhe më pas të dielën në Liguria.